Специјализираната земјоделска платформа Агротим.мк е приватен проект за информации и едукација на земјоделците и агробизнисмените за актуелните случувања во аграрот, стручни совети, вести од регионот и светот и промоција на мерките на Владата, кои се во интерес на поголем развој на македонскиот аграр.
Од неодамна портфолиото на Агротим се збогати со поддршка на пласманот на земјоделските производи преку своевидна Агроберза каде што земјоделци ги нудат своите производи но информираме и за побарувања од страна на откупни компании и трговци.
Најновата активност, односно сектор кој е од особена важност за сите во агрокомплексот е информации и подготовка на апликации за повици од страна на Владата за грантови од програмата за Рурален развој, „Млад земјоделец“, „Рурална жена“, ИПАРД, повици од Фондот за иновации и други можности за неповратни финансиски средства за модернизација и развој на компаниите и земјоделците.
Тим од искусни консултанти и експерти од различни области и професионалци заеднички го сочинуваат секторот АГРОТИМ КОНСАЛТИНГ.
Мисијата која ја поставивме со формирањето на секторот е поддршка на компаниите и земјоделските производители преку сериознен пристап и професионалност во изготвувањето на апликациите да се повлечат што повеќе средства од европските фондови, грантови или да се искористат поволни агрокредити.
Долгогодишното искуство во агросекторот ми покажа дека најважна е навремената и точна информација која треба да ја имаат земјоделците и компаниите за одредени повици и можности за користење на државна помош како и пари од европските и други фондови.
Овде важен аспект од целата активност е и стекнувањето на доверба во институциите кои се во функција на сите чинители во агрокомплексот, како и доверба во професионалците од оваа област – консултанти чии услуги треба да ги користат апликантите за да бидат сигурни во професионално изготвената апликација.
Повеќе информации околу актуелни повици и оние кои се очекуваат можете да добиете на телефонските броеви 070/ 267-789, 071/ 285-385 и 071 381 453 или на [email protected].
За крај, а како почеток на нашата соработка, почитувани земјоделци и агробизнисмени, сакам да ве охрабрам да аплицирате, да ги користите овие пари кои се наменети за ваш и развој на компаниите, да не бидете скептични да се обидеме заеднички да повлечеме што повеќе пари од најавениот ИПАРД 3 кој ќе биде близу 100 милиони евра, а тука секако се и мерките од Програмата за Рурален развој, како и очекуваниот повик од Фондот за Иновации и технолошки развој во висина од 320 000 евра.
Следете ја платформата Агротим.мк, комуницирајте со нас, прашувајте, интересирајте се и аплицирајте.
Така работат професионалци!
Ленче Николовска
Директорка на Агротим
Напишете коментар